Ħbieb,
Il-Kumitat ta' Qormi FC ilu għal dawn l-aħħar xhur jagħmel sforzi kbar sabiex iżomm it-tim fejn jixraqlu; Premier. Flimkien ma' numru żgħir ta' sponsors u l-għajuna ta' xi membri u supporters, dan kien possibbli għall-aħħar tmien snin fejn it-tim żamm postu fl-ogħla diviżjoni tal-futbol Malti.
Fl-aħħar snin l-ispejjeż żdiedu sostanzjalment u d-dħul naqas drastikament. Mhux faċli li tlaħħaq mal-ispejjeż tas-salarji tal-plejers, staff tekniku, injuries, taxxa, kiri tal-flats għall-plejers barranin, biljetti ta' l-ajru, insurances, kontijiet tat-servizzi (telefon, ilma, dawl) eċċ
Il-Klabb preżentament qiegħed f'sitwazzjoni li għandu ħlasijiet b'lura x'jagħmel u fl-istess ħin għandu bżonn budget biex jibqa ghaddej. Id-dħul tal-flus fl-aħħar staġun naqas sew u jekk is-supporters m'humiex lesti li jikkontribwixxu s-sehem tagħhom sabiex jiġu koperti parti mill-ispejjeż, il-futur tal-klabb huwa wieħed inċert.
Dan il-klabb għadda minn diversi sitwazzjonijiet diffiċli u dejjem ħareġ aktar b'saħħtu. Il-kumitat ta' Qormi FC jemmen li bin-naqra ta' kulħadd, anke din id-darba kapaċi nneħħu din is-sħaba sewda minn fuqna.
L-appell finali huwa sabiex kulħadd jagħti kemm jiflaħ u ħajru ħbieb u supporters oħra sabiex jinkontribwixxu. Bil-qatra l-qatra timtela l-ġarra! Nemmnu li ser nilħqu t-tragward tagħna u l-klabb ikun jista' jkompli bil-ħidma tiegħu għall-ġid tat-tim, taż-żgħażagħ u t-tfal Qriema li jħobbu l-logħba tal-ballun.
Konvinti li s-supporters Qriema ser iwieġbu għal dan l-appell kif dejjem għamlu.
Kull kontribuzzjoni hija apprezzata u nirringrazzjaw llil dawk kollha li ser iwieġbu għall-appell tagħna.
Qormi FC Supporters
Moment of Truth: Qormi FC
Brief note to all our Black and Yellow friends living overseas. Presently our club is passing through a sticky patch and our finances are in dire straits.
We urge all our friends living abroad to help us and contribute by means of a donation so as we can keep alive our prospects and ambition to retain our Premiership status.
Confident in your assistance and we thank all those who will be kind enough to believe in our plea and contribute generously.
Thanks
Qormi FC Supporters
