ZOMI INNKUAN USA, INC.
Board of Directors
THU PULAKNA

Press Release No.04/2018-19

December 24, 2018

A Thu: Leitungbup Zomi-te Minam Khawmpi ( Zomi International Conference)

1. Zomi Innkuan USA (ZIUSA) Kipawlna’ Ngimna Bulpite sung-ah Zomi-te in minam picing khat a
suah theihna ding cih thu a kihel bangin ZIUSA Kipawlna in Zomi Movement ah ma kipang in, tha
kipia tawntung hi. Zomi Movement (Minam Maban Kalsuanna) cih ciang in 2016 Zomi Khawmpi
USA, Political Forum hun sung a kithu minna zui-in hih a nuai a bangin kikhung hi:
• Zomi-te in leitung minam tuamtuamte lak ah minam kician, minam picing khat hihna tawh
minam thuneihna bukim angah theihna dingin hanciamna, mapanna leh vaihawmna;
• Tualsuak minamte hamphatna pulakna (United Nations Declaration on the Rights of Indigenous
Peoples) thu bulpi sunga tualsuak minamte hamphatna teng ngahna ding mapan na.

2. Zomi Movement a lawhcin theihna ding leh Zogam aki phuh zawhna dingin leitungbup a om Zomi
minam makaite, gam makaite, minam kipawlna makaite, khua leh tui kipawlna makaite, gam leh
minam tawh kisai mipil misiamte kaikhawm in – a masa pen Leitungbup Zomi-te Minam
Khawmpi (Zomi International Conference-ZIC2019KL) khat Zomi Innkuan USA (ZIUSA)
kipawlna vaihawmna in Zomi Association of Malaysia (ZAM) kipawlna leh Malaysia gam sung a
om Zomi makai, khuanu khuapate innteekna tawh February 17~19, 2019 hun sung teng Malaysia
Gam, Kuala Lumpur khuapi ah ki bawl ding hi.

3. Khawmpi Thu bulphuhte (Conference Objectives)
i. Zomi-te in minam kician, minam picing khat a hihna tawh minam thuneihna bukim a ngah
theihna ding; (To set foundation for installation of Self Determination of Zomi as an
Indigenous People)
ii. Zogam sung – (sak leh khang, sim leh mal) khantohna bukim leh Zomite a ding daihna leh
bitna a om theihna ding; (To implement political, economic and social development in Zogam
and to maintain Peace and Security for Zomi)
iii. Gam leh minam kivaipuakzia (Political Status) kician khat nuai ah sak leh khang, sim leh
mal, tuipi galkhat a om Zomi-te kigawmkik theihna ding. (For the re-unification of Zomi as
ONE nation under an internationally recognized Political Status)

4. Khawmpi Lam-etna (Conference Expected Outcome)
i. Zogam leh Zomi-te a’ding in madawk in ma a pang party, pawlpi, kipawlna, makai mipil
misiamte maitang kimukhawm in, ankuang umkhawm a kimeltheihna om ding; (Meeting
face to face, introducing and recognizing one another to build mutual respect among the
leaders of Zomi Political Parties, Revolutionary Organizations, Civil Society Organizations,
Non-governmental Organization, and Political Scientists, Intellectuals, Experts, Advocates),
ii. Zogam leh Zomi tawh kisai ngimna tuamtuam a nei Zomi Party, Zomi Pawlpi, Zomi
Kipawlnate in a Ngimna teng uh sungkhawm in, maban kitheihpihna nei thei ding; (Sharing
and contributing of Objectives, Goals, Demands, Charters, Policies and Principles on
Political, Economic and social issues of Zogam and Zomi),

iii. Gam leh minam tawh kisai Zomi-te mabante khat leh khat kitu kalhlo, kithuaplo, kikelkilo a,
lampi khat a ton khawm thei ding; (Collaboration on each Political and Economic Policies,
establishing cohesion among major key players, reorientation and repositioning of stake
holders on Zogam and Zomi)
iv. Gam leh minam tawh kisai ngimna tuamtuamte lemtuah a, minam khat hihna tawh ahuamkim
in ngimna leh maban kiciante kikhungkhawm thei ding; (Policy Development and
Coordination on Political and Economic Goals of Zogam and Zomi),
v. Zogam leh Zomi tawh kisai thute kithuzakna, kikupna khang semsem ding a, pawl
tuamtuamte kizopna leh pankhopna hong om thei ding hi. (Promoting Consensus Building,
establishing of Networking, advocating of working together for Zogam and Zomi).

5. Khawmpi kah Mipi (Conference Attendees)
Leitungbup Zomi-te Minam Khawmpi a kah dingin a nuai pawl tuamtuam panin Zomi Makaite,
Tangmite kisam ding hi.
1) Political Parties (5 Parties)
2) Revolutionary Organizations (5 Organizations)
3) Civil Society Organizations (14 Organizations)
4) Non-Govermental Organizations (4 Organizations)
5) Professional Organizations (4 Organizations)
6) Religious Organizations (8 Organizations)
7) Leaders, Intellectuals and Experts (32+ Individuals)
8) News & Media (4 Groups, min.)
6. Thupulakna Thuluite (Presentation & Discussion Agendas)
Khawmpi i thu bulphuh om bangin khawmpi a kah palaite, taangmite leh mimal khat ciatin Zomi
leh Zogam a ding muhna leh ngimnate, sep le bawl dingte, na sepna mabante leh mailama a
sepkhop theih dingte bulphuh in thu pulakna leh thuluite kikupna om ding hi.

7. Khawmpi Vaihawm Pawl (Conference Organizing Team)
Project Director : Board of Directors, ZIUSA
Project Executive : Executive Director & Officers, ZIUSA
Project Sponsor : Zomi Innkuan USA
Host (Innteek Tanu) : ZAM Kipawlna & Malaysia Zomi-te
Theih ding thu
Hih Leitungbup Zomi-te Minam Khawmpi akah dingin Zomi makaite, Tangmite, Uliante, Mipil
Misiamte leh Upate tung ah sapna lai kipuak ding hi. Khawmpi akah dingin akisam mite lamsap, annek
tuidawn leh zintunna ding vaihawmnate Sapna Laipi tawh kitheisak ding hi. (Khawmpi tawh kisai
vaihawmnate a kisapna leh a hun zui in ZIUSA Kipawlna, Board of Directors pawlin puahpha, khel,
behlap ding hi.)

GSKhup
Pu Go Sawm Khup
Chairman
ZIUSA
Do Khan Khup
Pu Do Khan Khup
Executive Director
ZIUSA
Pu Tual Khan Suan
Secretary
ZIUSA